Në favor të grave topless në pishinat publike është partia gjermane e “Demokratëve të Lirë (FDP), lider i së cilës është Ministri i Financave, Christian Lindner.
Siç raporton gazeta “Bild”, partia pjesëmarrëse në koalicionin qeverisës i thotë “Ja” toplessit dhe në fakt në konferencën e partisë të mbajtur së fundmi në Shtutgart, kërkesa e pjesëmarrësve është formuluar me shkrim, me titull: “Lironi thithkat”.
Deputetët e “Liberal Demokratëve” kërkojnë që të miratohet kërkesa e tyre, që do të thotë se gratë mund të lahen në pishina publike me gjoksin zbuluar.
Siç thuhet në publikimin përkatës, anëtarët e “Demokratëve të Lirë” janë pro heqjes së kodeve të veshjes në pishina, si dhe në ambiente të ngjashme.
Helena Herzig nga Ludwigsburg, anëtare e Komitetit Ekzekutiv Federal të “Demokratëve të Lirë”, si dhe Sekretarja e Përgjithshme e FDP Judith Scandenli, nuk mund ta kuptojnë pse gratë duhet të mbulojnë gjoksin e tyre kur lahen dhe bëjnë banja dielli në pishina publike.
“Secili duhet të notojë si të dojë”, thotë sekretari i përgjithshëm i partisë.
Nga ana e tij, 63-vjeçari Edgar Koslowski, president i shoqatës federale të shpëtimtarëve, thekson: “Në vitet ’80 dhe ’90, pothuajse 30% e grave të reja nuk mbanin bikini. Sot gjërat janë ndryshe. Në pishinën time komunale në Ettenheim pashë vetëm dy gra topless gjatë verës , megjithëse adresa jonë e lejon këtë. Secili pronar i pishinës duhet të vendosë vetë nëse do t’i lejojë gratë të shkojnë topless apo jo”, shton ai.